Arrestohet i akuzuari për krime lufte, Goran Haxhiq

Ish-udhëheqësi i rebelëve serbë të Kroacisë, i akuzuar nga Tribunali i Hagës për krime lufte, është arrestuar pas tetë vjetësh në arrati

Serbia ka arrestuar Goran Haxhiqin, të arratisurin e saj të fundit, të kërkuar për krime lufte. Sipas agjencisë së lajmeve Reuters ish-udhëheqësi i rebelëve serbë të Kroacisë, i akuzuar nga Tribunali i Hagës për krime lufte, është arrestuar pas tetë vjetësh në arrati.

Haxhiq ka udhëhequr trupat serbe në kohën e luftës në Kroaci. Tribunali i Hagës e akuzon atë për vrasjen e qindra civilëve kroatë dhe për dëbim të dhunshëm të rreth 28 mijë kroatëve dhe jo-serbëve gjatë luftës në Kroaci më 1991-1995.

Pas arrestimit të ish-komandantit të serbëve të Bosnjës, Ratko Mlladiq, më 26 maj të këtij viti, Haxhiq ishte i arratisuri i fundit serb, që nga Gjykata e Kombeve të Bashkuara akuzohet për krime lufte.

Kapja e të akuzuarve për krime lufte është kusht për Serbinë për t’iu bashkuar Bashkimit Evropian.