Arrestohet i riu në Shqipëri, u vidhte adresat e Facebook qytetarëve të Kosovës dhe kërkonte borxh 

Një person është arrestuar në Shqipëri për mashtrim kompjuterik. Ai dyshohet se në bashkëpunim me persona të tjerë ka vjedhur llogari të qytetarëve të ndryshëm në Kosovë, në rrjetin social Facebook dhe më pas ka komunikuar me familjarët dhe të afërmit e tyre duke u kërkuar para borxh.

Ai u ka thënë se ishte në spital ose se i duheshin paratë për arsye të tjera.

Pasi kanë marrë mesazhet në rrjetet sociale, familjarët dhe të afërmit kanë dërguar shumat e parave me anë të rrjetit të transfertave monetare. Shuma e përfituar llogaritet të jetë mbi 100 000 euro.

---