Arrestohet personi që kërcënonte me grafite

I arrestuari është XH. Hasani  53-vjeç, në shtëpinë e të cilit janë sekuestruar një armë automatike AK 47, dy pistoleta e shumë fishekë

Policia njofton se ka arrestuar  personin e  dyshuar për kanosjen e kreut të shtetit, Hashim Thaçi, kryetarit të Prishtinës, Shpend Ahmeti dhe myftiut, Naim Tërnava, transmeton albinfo.ch. Në fillim të gushtit përmes grafiteve në Fakultetin Filologjik dhe në gurëthemelin e Xhamisë Qendrore, të tre kërcënoheshin me jetë.

Policia thotë se i arrestuari është XH. Hasani  53-vjeç, në shtëpinë e të cilit janë sekuestruar një armë automatike AK 47, dy pistoleta e shumë fishekë.

“Pas arrestimit i dyshuari është dërguar në qendrën e mbajtjes për tu proceduar në fazat e mëtejme të procesit hetimor”, thuhet në njoftimin e policisë.