Artiola viziton mjekët austriakë që e shëruan nga leukemia

Biznesmeni Robert Rogner kishte mësuar për fatin tragjik të vajzës kështu që e mori Artiolën për në Klagenfurt ku financoi edhe shpenzimet për vajzën dhe prindërit e saj

Artiola trifft Lebensretter im ELKI

Gjashtë vjet më parë, në atë kohë 13 vjeçe,  shqiptarja  Artiola vuante nga leukemia. Mjekët i dhanë asaj vetëm disa ditë jetë. Sipërmarrësi i njohur austriak, Robert Rogner e solli Artiolën në Karnten të Austrisë, ku ajo mund të shërohej në spitalin e fëmijëve.

Tani, disa vite më pas, ajo vizitoi shpëtuesit e jetës së saj. “Unë nuk mund të pushoj duke thënë faleminderit!”, shkruankrone.at, transmeton “albinfo.ch”.

Pasi që mjekët në Shqipëri i kishin thënë asaj se mund të jetonte vetëm 19 ditë, biznesmeni Robert Rogner kishte mësuar për fatin tragjik të vajzës. Nëna e saj ishte anëtare e stafit të Hotel “Rogner” në Tiranë. Rogneri e mori vajzën për në Klagenfurt ku financoi edhe shpenzimet për vajzën dhe prindërit e saj.

Dëshira e zjarrtë e Artiolës, ishte që të jetë prapë e shëndetshme, dëshirë kjo që në mars të vitit 211 falë ekipit të mjekut Wilhelm Kaulfersch iu plotësua. “Artiola na është lajmëruar rregullisht. Së fundmi ne kemi marrë edhe një kartolinë për Krishtlindje, me të cilën sërish nga ka falënderuar”, ka thënë Kaulfersch, përcjell “albinfo.ch”.

“Dëshiroj që edhe unë t`i ndihmoj njerëzit e sëmurë”

Artiola tashmë është 19 vjeçe dhe  ka ardhur në Austri për t’i vizituar shpëtuesit e jetës së saj. Ajo studion mjekësinë. “Unë dëshiroj gjithashtu t`i ndihmoj njerëzit e sëmurë, sikur mua që më kanë ndihmuar mjekët këtu”, ka thënë ajo. Shërimi i Artioles ishte ndihmuar nga pensionisti i Villacher-it, Dr. Bernd Mirtl dhe sponsorë të tjerë. Në muajin maj, Artiola gëzohet që do të vijë prapë për vizitë në Kartnen.