Asllani më i mirë i ndeshjes, tani dëshiron finalen e Champions-it

Ky ishte goli i parë në këtë edicion në Serie A dhe u zgjodh futbollisti më i mirë i ndeshjes

utbollisti shqiptar i Interit, Kristjan Asllani, ishte protagonisti absolut në triumfin 1:0 që zikaltrit regjistruan në kampionat ndaj Veronës, duke shënuar golin e fitores me penallti në minutën e nëntë.

Në prononcimin e dhënë për mikrofonat e “DAZN”, shqiptari ndër të tjera shpreh:

“Nuk ka problem, pavarësisht se kush luan, të gjithë duhet të punojmë së bashku sepse jemi një ekip i fortë.

Kemi një ndeshje të rëndësishme të martën dhe duhet të përgatitemi mirë, sepse është më e rëndësishmja e vitit.

Qëllimi ynë ishte të arrinim në fund të të gjitha garave, për fat të keq nuk ia dolëm sepse u eliminuam nga Kupa e Italisë dhe humbëm pikë në ligë, por kurrë nuk i dihet se çfarë mund të ndodhë. Duam të arrijmë në finalen e Ligës së Kampionëve, sepse kemi qenë tashmë atje dhe e dimë se çfarë do të thotë”, përfundoi Asllani, transmeton albinfo.ch.

Ky ishte goli i parë në këtë edicion në Serie A, dhe u zgjodh futbollisti më i mirë i ndeshjes.

---