Asnjë vend tjetër evropian nuk krijon aq shumë vende pune sa Zvicra

Më shumë se gjysma e kompanive në Zvicër planifikojnë të rrisin fuqinë punëtore gjatë tre muajve të ardhshëm – norma më e lartë në Evropë, përcjell albinfo.ch.

Kjo rezulton nga një sondazh i kryer nga agjencia e rekrutimit Manpower.

Sektorët e energjisë dhe shërbimeve komunale janë ndër nxitësit e kësaj rritjeje: 66 për qind e kompanive në këtë sektor planifikojnë të punësojnë më shumë staf në muajt e ardhshëm.

Dhe tendenca e punësimit po përhapet edhe në sektorin financiar – pavarësisht humbjes së vendeve të punës pas bashkimit të Credit Suisse dhe UBS.

Kjo sepse “bashkimi i bankave kërkon një sasi të madhe burimesh dhe njohurish, veçanërisht në IT”, sipas Eric Jeannerod, menaxher i Manpower Switzerland.