Astrit Alihajdaraj, në serialin “Alarm für Cobra 11”

“Është nder dhe privilegj të jesh pjesë e episodit të fundit të sezonit të këtij seriali të famshëm gjerman”, ka thënë për “albinfo.ch”, Astrit Alihajdaraj

Pas aktorit Blerim Destani, edhe një aktor tjetër shqiptarë bëhet pjesë e serialit të famshëm gjerman “Alarm für Cobra 11”. Fjala është për aktorin e sukseshëm në Austri, Astrit Alihajdaraj.

Aktori nga Istogu do të jetë pjesë e episodit të fundit të këtij sezoni i cili do të emetohet sot (e enjte) në RTL, me fillim nga ora 20.15.

“Është nder dhe privilegj të jesh pjesë e episodit të fundit të sezonit të këtij seriali të famshëm gjerman”, ka thënë për “albinfo.ch”, Astrit Alihajdaraj.

Djaloshi i cili prej shumë vitesh jeton në Vjenë të Austrisë është shprehur se në këtë film do të shfaqet me rolin e Toni Duriçit. “Në këtë episod trajtohet një temë ku bëhet fjalë për një mori ndjekjesh të njerëzve të ndryshëm,  të dyshuar për pjesëmarrje në rastin e shpërthimit të një bombe”, thotë Astriti.

Seriali aksion “Alarm für Cobra 11” është ndër me të suksesshmit në Evropë, i cili tash e 20 vjet shfaqet në më shumë se 100 vende të botës.

Ndryshe, Astriti aktualisht është duke u marr me montazhin dhe postproduksionin e filmit të tij “Schatzi” i cili fim është produsksion i “ILLYRIA FILM”.