Austria vazhdon praninë ushtarake në Kosovë dhe në Bosnje

Austria aktualisht në rajon ka 950 ushtarë

Ministria e Punëve të Jashtme e Austrisë, ka bërë të ditur se ky shtet ua ka vazhduar mandatin forcave të veta ushtarake rezervë në Kosovë dhe në Bosnje.“Trupat rezervë të përbërjes ushtarake nga Austria do të qëndrojnë në Bosnje deri më 16 nëntor 2012, në kuadër të EUFOR-it, ndërsa në Kosovë këto forca do të qëndrojnë deri më 31 dhjetor 2013, në kuadër të KFOR-it”, thuhet në njoftim.