Ava Max, “Heaven and Hell”, albumi i tretë më i dëgjuar i vitit në Spotify

facebook

Ava Max, këngëtarja e famshme shqiptare, u rrit me dëshirën për t’u bërë pjesë e muzikës pa e menduar se një ditë do të bëhej një yll internacional.

Sukseset e Ava Max gjatë vitit që lamë pas ishin të panumërta. Albumi i saj debutues “Heaven and Hell”, i cili doli në shitje, është albumi i tretë më i dëgjuar i vitit i një artiste femër në Spotify, përcjell albinfo.ch.

Ava në një intervistë rrëfen për sukseset e shumta që shijoi gjatë vitit 2020, vështirësitë për të arritur aty ku është si dhe planet për të vizituar trevat shqiptare në një të ardhme të afërt.

Ishte pikërisht viti 2018 kur bota u njoh me talentin e saj, që me këngën debutuese “Sweet but Psycho”, arriti që të godasë fort në zemrat e publikut, duke arritur që kënga e saj të dëgjohet jo më pak se një miliard në atë që njihet si platforma më e madhe e muzikës në botë, Spotify.

Ajo është me prejardhje nga Qeparoi i Sarandës, por e lindur dhe rritur në Shtetet e Bashkuara të Amerikës, Amanda Ava Koçi, e njohur artistikisht si Ava Max, u rrit nën dëshirën për t’u marrë me muzikë, ndoshta pa e menduar se një ditë do të bëhej një yll internacional, shkruan telegrafi.