Avdijaj vazhdon karrierën në Holandë

Donis Avdijaj ka nënshkruar me Willem II, për një vit me mundësi vazhdimi edhe për një vit tjetër

Sulmuesi i Kosovës, Donis Avdijaj, do të vazhdojë të luajë në kampionatin e Holandës.

Avdijaj të ka nënshkruar për një vit me skuadrën Willem II, me opsion për vazhdim të bashkëpunimit edhe për një vit tjetër, përcjell albinfo.ch.

Ai te Willem II është transferuar nga Schalke, te e cila skuadër nuk ia doli asnjëherë të depërtojë, përkatësisht të stabilizohet.

Në gjysmën e dytë të sezonit të kaluar Avdijaj ishte pjesë e Rodas në Erevidisie teksa në 11 takime me këtë skuadër realizoi 3 gola, përcjell albinfo.ch.

Avdijaj kishte kontratë me Schalken deri në verën e vitit të ardhshëm, ndërsa së fundi ishte pjesë e ekipit U-23 të klubit të njohur gjerman. Schalke ka thënë se nuk do të bëjë të ditura detajet e transferimit.