Avdullahu: “Më pëlqen të bëj punët e pista”

Pavarësisht se është vetëm 21 vjeç, Leon Avdullahu është një nga lojtarët kyç të FC Basel. Pozicioni i tij është sa i padukshëm aq edhe themelor

Leon Avdullahut iu deshën më pak se 10 sekonda për t’iu përgjigjur 20 prej 24 pyetjeve në intervistën e tij për SRF. Kjo tregon se i riu është i përgatitur. Dhe ai luan si në fushë: më tepër në mbrojtje, transmeton albinfo.ch.

“Këtë qetësi e kam pasur gjithmonë, edhe në ekipet e të rinjve”, thotë Avdullahu. Ai aktualisht është duke impresionuar në FC Basel si lojtar i rregullt në mesfushë në numrin gjashtë. “Më pëlqen. Më pëlqen të bëj punët e pista.”

Në moshën vetëm 21-vjeçare, Avdullahu është një lojtar kyç në mesfushën e kampionëve të Zvicrës. Kjo zgjon dëshirën dhe ngjall automatikisht interes  edhe nga jashtë, thonë thashethemet. Avdullahu: “Nuk jam i shqetësuar për këtë. Unë jam në FCB dhe ndihem rehat në FCB.”

Ai aktualisht dëshiron të fokusohet vetëm në finalen e kupës të së dielës. Basel do të përballet me Bielin e ligës së ulët dhe ka potencialin për të kompletuar dyfishin.

Leoni ka prindër nga Kosova, derisa deri më tani ka luajtur për grupmoshat e Zvicrës deri në U21.

---