“Avengers: Infinity War” bën histori

Filmi “Avengers: Infinity War” ka dominuar arkat filmike të kësaj fundjave. Sipas vlerësimeve, filmi ka thyer rekordin amerikan për përfitime gjatë fundjavës. Plot 250 milionë dollarë ka arkëtuar ky film nga biletat e shitura në kinematë amerikane.

“Avengers: Infinity War”, në të cilin aktorojnë Robert Downey Jr., Benedict Cumberbatch, Scarlett Johansson, Chris Evans dhe Josh Brolin, debutoi këtë javë.

Rekordi aktual mbahej nga filmi “Star Wars”, që në vitin 2015 fitoi 248 milionë dollarë në debutim.  Avengers sjell së bashku 20 superheronjë, përfshirë Iron Man, Captain America, Spider-Man, Black Widow dhe Black Panther. ‘A Quiet Place’ u rendit i dyti në arkat filmike këtë fundjavë, duke fituar më shumë se 10 milionë dollarë. Komedia “I Feel Pretty” u rendit e treta, me 8,1 milionë dollarë përfitime gjatë fundjavës.

“Rampage”, në të cilin luan Dwayne Johnson, u rendit i katërti, derisa vendi i pestë i takoi filmit ‘Black Panther’.