Avioni rus ateron me emergjencë pas dyshimeve për një bombë

Një aeroplan rus “Ural Airlines” u nis për në Moskë nga Bahreini dhe me 225 vetë në bord bëri një ulje emergjente në Baku, Azerbajxhan, gjatë ditës së sotme, shkruan Euronews, përcjell Albinfo.ch.

Piloti dyshonte se një bombë mund të ishte në bordin e aeroplanit dhe kërkoi një ulje emergjente në aeroportin më të afërt për të kryer kontrolle, tha zëdhënësi i aeroportit.

Të gjithë pasagjerët dhe ekuipazhi u evakuan në mënyrë të sigurt dhe u krye një kërkim, por nuk u gjet asnjë bombë.

Fluturimi U6-1116 ishte në rrugë për në aeroportin e Domodedovës të Moskës, kur ekuipazhi “mori informacion në lidhje me sendet e mundshme të kufizuara” në bord, tha një zëdhënëse për Ural Airlines.

Një burim në aeroport i tha Reuters se një pasagjer ishte arrestuar pas uljes emergjente.