Avokatja e Jakup Krasniqit kërkon lirimin e tij për dy javë

Keystone EPA/Koen van Weel / POOL

Venkateswari Alagendra, avokatja e ish-kryetarit të Kuvendit të Kosovës, Jakup Krasniqi, është duke kërkuar që klienti i saj të lirohet për dy javë, në mënyrë që të kalojë pak kohë me familjen në Kosovë.

Ajo thotë se ish-zëdhënës i Ushtrisë Çlirimtare të Kosovës, gjendet në paraburgim që dy vjet e tetë muaj dhe kërkon të lirohet nën mbikëqyrje, përcjell albinfo.ch.

“Deklaratat publike të z. Krasniqi janë ushtrim i fjalës së lirë dhe jo të mjaftueshme për të treguar një prirje ndaj ndërhyrjes në dëshmitarë”, thuhet në parashtresë, shkruan klankosova.

Ajo thekson se nuk ka arsye të mjaftueshme për ta arsyetuar moslirimin e Jakup Krasniqit.