Lajme

BAG raporton 18,423 raste të reja me Covid 19

Në të njëjtën kohë, BAG ka regjistruar 15 raste të reja të vdekjeve dhe 174 shtrime në spital (-25.8 për qind)

E mërkurë, 23 Shkurt 2022 - 20:40 albinfo.ch

Në Zvicër dhe Lihtenshtajn janë raportuar 18,423 infeksione të reja me koronavirus në Zyrën Federale të Shëndetit Publik (BAG). Kjo është -27.5 për qind më pak se në javën e kaluar (mesatarja 7-ditore).

Në të njëjtën kohë, BAG ka regjistruar 15 raste të reja të vdekjeve dhe 174 shtrime në spital (-25.8 për qind). Mesatarja 14-ditore është 92 shtrime në spital në ditë. 1611 persona aktualisht po trajtohen në spitale për Covid-19. Kjo është 10 për qind më pak se në javën e kaluar.

Aktualisht janë 153 pacientë me Covid-19 në kujdes intensiv. Kjo është 17 për qind më pak në krahasim me javën e kaluar.

Përqindja e të vaksinuarve (me dy doza) është 68.8 për qind. Ndërsa përqindja në popullatë e atyre që kanë marrë edhe dozën e tretë (përforcuese) ka arritur në 41.3 për qind.

Është raportuar se gjatë 24 orëve të fundit janë bërë raportuar 53,288 teste. Norma mesatare e pozitivitetit gjatë ditëve të fundit ishte 36.8 për qind.