Banka Botërore financon me 80 milionë dollarë zhvillimin e turizmit në Shqipëri

Keystone (AP Photo/Hektor Pustina)

Ministri i Financave i Shqipërisë, Ervin Mete, ka njoftuar se ka nënshkruar me zv.presidenten e Bankës Botërore, Antonella Bassani, marrëveshjen e financimit të projektit “Mjedis i pastër dhe i qëndrueshëm për Detin Blu”.

“Objektivi i projektit, për të cilin Banka Botërore do të japë një financim prej 80 milionë dollarësh, është reduktimi i ndotjes në mjedisin ujor (dete, lumenj) në zonën jugperëndimore, në funksion të zhvillimit të qëndrueshëm të turizmit”, ka bërë të ditur ai.