Bankat zvicerane kërkojnë më pak staf

Sipas një numërimi të publikuar nga portali Indeed, numri i vendeve vakante në Credit Suisse ka rënë me 70%, ndërsa në UBS ofrohen 2.5% më pak vende pune krahasuar me dy muaj më parë

Numri i vendeve të lira të punës në dhjetë bankat më të mëdha zvicerane vazhdoi të bjerë në prill.

Numri i njoftimeve për punë ra me pothuajse 18% në 730, numri më i ulët i ofertave për punë që nga blerja e Credit Suisse nga UBS, transmeton albinfo.ch.

Në veçanti, numri i vendeve vakante në Credit Suisse ka rënë me 70%, duke arritur në 38, sipas një numërimi të publikuar sot nga portali Indeed, i cili analizoi ofertat e punës të publikuara në faqet e internetit të dhjetë bankave më të mëdha zvicerane për agjencinë AWP. Janë marrë parasysh vetëm vendet e punës me bazë në Zvicër. Sa i përket UBS-së, ofrohen 196 vende pune, 2.5% më pak se dy muaj më parë. Zyrtarisht, banka do të duhet deri në fund të vitit 2026 për të përfunduar bashkimin me Credit Suisse, por procesi tashmë është duke u zhvilluar dhe pritet të çojë në humbjen e 3000 vendeve të punës në Zvicër.

 

 

---