Barbadosi njeh Kosovën

Ministri i Punëve të Jashtme i Kosovës, Behgjet Pacolli, ka njoftuar se Barbadosi e ka njohur Kosovën. Njoftimin ai e ka shoqëruar edhe me një dokument.

“Në vigjiljen e festës së madhe të Pavarësisë edhe një njohje nga shteti i Barbadosit”, ka shkruar ai, përcjell albinfo.ch.

“Ministria e Punëve të Jashtme dhe e Tregtisë së Jashtme e Barbadosit i ofron komplimentet e saj Ministrisë së Punëve të Jashtme të Republikës së Kosovës dhe ka nderin t’i referohet kërkesës së mëparshme nga kjo e fundit për Qeverinë e Barbadosit për njohjen e Kosovës si shtet i pavarur dhe sovran, dhe për themelimin e marrëdhënieve ndërmjet Barbadosit dhe Kosovës”, thuhet në letrën e njohjes.

Barbadosi gjendet në Amerikën e Veriut. Tashmë janë 116 njohje që i ka shteti i Kosovës.