Barcelona e interesuar për Xhakën e ai nuk di asgjë!

"Menaxheri i Barcelonës, Ariedo Braida do të jetë i pranishëm në ndeshjen e Ligës së Kampionëve ku luan Borussia kundër Juventusit të Torinos, vetëm për ta shikuar nga afër lojën e Granit Xhakës"

Klubi i madh spanjoll, Bacelona duket se ka treguar interes për shërbimet e Granit Xhakës. Sipas medieve spanjolle, lojtari i  Borussia Mönchengladbach-ut  dhe i kombëtares zvicerane qëndron fare lart në listën e dëshirave të Barçës.

Siç shkruan gazeta e atjeshme “El Mundo Deportivo”, menaxheri i Barcelonës, Ariedo Braida do të jetë i pranishëm në ndeshjen e Ligës së Kampionëve ku luan Borussia kundër Juventusit të Torinos, vetëm për ta shikuar nga afër lojën e Granit Xhakës.

Por vet lojtari, i pyetur nga Sport Bild ka thënë se po e dëgjon për herë të parë një lajm të tillë. “Unë nuk di asgjë rreth kësaj, por natyrisht se është bukur kur të lakojnë emrin në lidhje me klube të tilla kaq të mëdha. Ndërkaq unë aktualisht ja i përqendruar vetëm te Borussia”.

Kontrata e Xhakës me Borussia Mönchengladbach vazhdon deri në vitin 2019. Thuhet se në kontratë është futur një klauzolë sipas të cilës ai mund ta braktisë klubin në verën e vitit 2017, kundrejt një pagese prej 30 milionë.

Aktualisht, kartoni i Granit Xhakës vlerësohet 20 milionë euro.