Baritoni Valdrin Gashi do të performojë në Ambasadën e Kosovës në Stokholm me rastin e 25-vjetorit të Çlirimit të Kosovës

Mësohet se baritoni, Valdrin Gashi, i cili së fundmi ka përfunduar studimet e tij master në këndim në Konservatorin prestigjioz të Muzikës “Santa Cecilia” në Romë, përcjell albinfo.ch.

Valdrini do të performojë në Ambasadën e Kosovës në Stokholm me rastin e 25-vjetorit të Çlirimit të Kosovës.

Valdrini gjithashtu ka shkëlqyer në studimet e tij të kantos Renesansë & Barok në Konservatorin “L. Cherubini” në Firence. Për këtë koncert të veçantë, ai do të shoqërohet nga pianistja e njohur suedeze Lotta Larsson.

Lotta sjell një përvojë të pasur nga 28 vitet e saj në Folkoperan në Stokholm. Karriera e saj mbresëlënëse përfshin mësimdhënien në Universitetin e Operës në Stokholm gjatë viteve 1980, 1990 dhe nga 2011-2014, si dhe performimin në Oscarsteatern nga 1990-1995 për “Phantom of The Opera.” Ajo gjithashtu ka dhënë mësim për piano në Kolegjin Mbretëror të Muzikës në Stokholm dhe ka qenë e përfshirë me Opera Light, Opera Lusta, Riksteatern dhe regjistrime të shumta radiofonike. Përveç kësaj, Lotta ka performuar me Norrlandsopera, Umeå Sinfonietta, Operën Mbretërore Suedeze, Akademinë Vadstena dhe ka bërë turne të gjera me muzikë koncertale në të gjithë Suedinë dhe Evropë.