Bashkim Rexhepi humbi zgjedhjet por dëshmoi guxim

Përveç Rexhepit për Juso-n dhe për second@s, kanë kandiduar edhe pesë kandidat-e shqiptare. Ndërsa për CVP-PDC-në, Majlinda Sulejmani

Nga shtatë kandidatët për zgjedhjet parlamentare të nivelit nacional që u mbajtën sot në Zvicër, në raportet nga vendvotimet, i vetmi emër shqiptar që përmendet në raportet nga vendvotimet e të gjitha kantoneve është ai i Bashkim Rexhepit.

Kandidati i JUSO-s (juniorët e SP-PS), Rexhepi, natyrisht, ka pësuar humbje me diferencë të konsiderueshme nga kandidati veteran i FDP-LDR-së, Hans Hess, i cili kantonin Obwalden e përfaqëson në Dhomën e Kantoneve që nga viti 1998, deputet aktual. Ai ka fituar mbi 12 mijë vota. 

Rexhepi sidoqoftë, ka fituar 2170 vota, që nuk është pak për një të ri me prejardhje të huaj në një kanton të vogël e rural.

Obwalden në Dhomën e kantoneve përfaqësohet me vetëm një deputet, kështu që edhe sfida të cilës i ka hyrë Bashkim Rexhepi ka qenë jashtëzakonisht e madhe.

Sikur Bashkim Rexhepi, për Juso-n dhe për second@s, organizata të afërta me SP-PS, kanë kandiduar edhe pesë kandidat-e shqiptare: Ylfete Fanaj, Lurata Reçi, Ardita Berisha, Bujar Berisha, Drilon Bekiri dhe Marigona Isufi. Ndërsa për CVP-PDC-në në kantonin St. Gallen-it ka kandiduar Majlinda Sulejmani.

Bazuar në raportet e deritashme asnjë nga kandidatët shqiptarë nuk ka arritur të ketë ndonjë numër votash që vlen të përmendet.