Bavaria dëbon edhe 29 azilkërkues në Kosovë

Autoritetet bavareze kumtojnë se ato janë duke bërë në mënyrë konsekuente dëbimin e atyre azilkërkuesve që nuk u njihet qëndrimi, dhe këtë e bëjnë në baza javore

Të mërkurën janë dëbuar nga Bavaria 29 azilkërkues kosovarë të cilëve u ishte refuzuar kërkesa për azil. Ata janë nisur drejt Kosovës nga Aeroporti i Munihut. Me këtë fluturim, agjencioni evropian për mbrojtjen e kufijve, Frontex-i ka realizuar deri tash vetëm gjatë vitit 2016, dëbimin e rreth 1000 azilkërkuesve të refuzuar nga Bavaria në vendet e prejardhjes, hkruan stmi.bayern.de

Ky grup azilkërkuesish përbëhej nga ata që nuk kishin dashur të ktheheshin vullnetarisht në Kosovë.

Ministri i brendshëm Hermann ka thënë se  “të gjitha landet janë të detyruara ta bëjnë riatdhesimin”., transmeton albinfo.ch. Ndërkaq, autoritetet bavareze kumtojnë se ato janë duke bërë në mënyrë konsekuente dëbimin e atyre azilkërkuesve që nuk u njihet qëndrimi, dhe këtë e bëjnë në baza javore.

Por, ne na duhen më shumë vendime refuzuese nga Zyra Federale për Migracion dhe Refugjatë (BAMF). Atje po presin ende me qindra mijë kërkesa azili të patrajtuara.