BaZ: A po e bën Shaqiri Baselin më të mirë?

Gazeta zvicerane BaZ ka shlruar një artikull për futbollistin Xherdan Shaqiri, përcjell albinfo.ch.

Ishte mesi i gushtit kur tifozët e Baselit kishin kohë vërtetë të mirë. Pas fillimit të dobët të edicionit, ekipi i shënoi katër fitore, njërën prej tyre në Kupë. Goldallimi në ato ndeshje ishte 19:0.

Optimizmi ishte edhe më i madh kur u finalizua transferimi i befasishëm i Xherdan Shaqirit, që si i ri ishte zhvilluar te Baseli.

Edhe para se ish-reprezentuesi i Zvicrës dhe ylli i ri i dikurshëm i Baselit të paraqitej për herë të parë për skuadrën, pas 4477 ditëve, termi “Efekti Shaqiri” nisi të dëgjohej.

Efekti i parë ishte në shitoren zyrtare të klubit. Rreth 4600 fanella me numrin 10 u shitën për kohë rekorde.

Por si qëndron gjendja në fushë?

Pas ndeshjes së pestë garuese, pyetja kryesore për “Efektin Shaqiri” në ndeshje futbolli është vështirë të marr përgjigje. Në dy ndeshjet në të cilat Shaqiri startoi, Baseli u mposht dhe madje nuk shënoi gol.

Mediumi nga Baseli, “BaZ”, e vlerëson paraqitjen e së dielës ndaj Luzernit si më të mirën e Shaqirit pas kthimit. Ai luajti 55 minuta. Baseli pësoi 1:0. Sipas këtij mediumi, “Shaqiri dukej që ishte më mirë i integruar dhe gjithnjë ka pasur topin”.

“Blick” në anën tjetër, e vlerësoi Shaqirin si më të dobëtin e ndeshjes. E përmendi dështimin nga goditja e dënimit.

Fillimisht kishte shumë optimizëm në futbollin zviceran për kthimin e Shaqirit. Ai dha shenja në ndeshjen e parë ndaj Yverdonit. Më pas shënoi golin e fitores 1:0 për kupë ndaj Nyonit.

Por nuk bëri shumë në dy ndeshjet e fundit, njëjtë si i gjithë reparti ofanziv i Baselit. Bëhet fjalë për humbjet 2:0 nga Zuerichu dhe 1:0 nga Luzerni.

Trajneri Fabio Celestini e ka pasur të vështirë ta shpjegojë këtë të dielën. Ai e ka vlerësuar befasi paraqitjen, duke thënë se ka aktivizuar lojtarët e njëjtë që i shënuan 24 gola më parë.

Celestini nuk ka dashur ta pranojë si arsyetim largimin e golashënuesit Thierno Barry.

“Ne kemi mjaftueshëm lojtarë”, ka thënë trajneri i Baselit.

Ka shumë lojtarë të cilëve u duhet kohë, duke përfshirë Shaqirin. Largimi i tij nga fusha në minutën e 55-të ka befasuar shumë njerëz.

Pyetja për efektin e Shaqirit dërgon te pyetja tjetër e natyrshme: sa kohë i duhet Shaqirit? Dhe sa koha Celestini mund t’i japë atij?

---