Lajme
Bazel: Parlamenti voton për 38 orë punë në javë, nga 42 sa është sot
Me uljen e kohës javore të punës nga 42 në 38 orë me të njëjtat paga, kantoni mund të sfidojë mungesën e punëtorëve të kualifikuar
Të mërkurën, Këshilli i Madh (Parlamenti) i Bazelit i ka dorëzuar qeverisë një mocion përkatës për javën 38-orëshe, të cilin e kishte votuar me 48 vota pro, 46 kundër dhe 1 abstenim, transmeton albinfo.ch.
Mocioni ishte paraqitur nga PS. Por edhe parlamentarë të SVP dhe LDP janë gjithashtu në mesin e bashkënënshkruesve.
Me uljen e kohës javore të punës nga 42 të sotme në 38 orë, me të njëjtat paga, kantoni mund të zgjidhë problemin e mungesës së punëtorëve të kualifikuar, shkruan bz.ch.
Është thjesht një fakt që orët e punës përbëjnë një faktor gjithnjë e më të rëndësishëm kur kërkojmë punonjës, thonë autorët e mocionit.
Deputetët e fraksioneve të djathta u kthyen kundër kërkesës. Shteti nuk duhet të përdorë paratë e taksave për të fituar avantazhe në konkurrencën për punëtorë të kualifikuar, është shprehur një zëdhënës i SVP.
Shteti si punëdhënës duhet të jetë konkurrues
Zëdhënësit e PS-së dhe GAB-së theksuan se kantoni ishte në një pozitë më të keqe sa i përket orarit të punës sesa sektorë të caktuar të sektorit privat, përcjell albinfo.ch
Përmenden me emër industria farmaceutike, por edhe disa degë vitale. Shteti punëdhënës duhet gjithashtu të jetë në gjendje të përfshihet në mënyrë konkurruese, thonë autorët e mocionit,
E-Diaspora
-
Marigona Qerkezi do të debutojë në teatrin e St.Gallenit Marigona Qerkezi ka një krijimtari të pasur artistike si soprano e shquar, ka shkelur shumë skena...
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
Jeta në Zvicër
-
Marigona Qerkezi do të debutojë në teatrin e St.Gallenit Marigona Qerkezi ka një krijimtari të pasur artistike si soprano e shquar, ka shkelur shumë skena...
-
Në cilën prej komunave zvicerane jetohet më mirë?
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër