Kriza në Ukrainë

BE ofron roaming falas për ukrainasit

E diel, 10 Prill 2022 - 15:25 albinfo.ch

Njëzet e katër operatorë celularë të BE-së dhe tre kompani telekomunikuese ukrainase nënshkruan marrëveshje për sigurimin e shërbimit ”roaming” falas gjatë bisedave ndërkombëtare midis BE-së dhe Ukrainës, thuhet në njoftimin e publikuar në ueb faqen e Komisionit Evropian.

”Qëllimi i dokumenteve të nënshkruara është t’u ndihmohet ukrainasve të zhvendosur në Evropë të jenë në kontakt me familjen dhe miqtë në Ukrainë”, bëhet e ditur në njoftim, përcjell Albinfo.ch.

Komisionit Evropian theksoi se operatorët telekomunikues kanë ndarë një milion skeda ”SIM” falas refugjatëve në Ukrainë. Thirrjet për ta nëpër vendet e BE-së do të jenë falas.