Behrami mungon tre javë

Valon Behrami ka pësuar një lëndim muskulor gjatë angazhimit me Zvicrën

(KEYSTONE/Georgios Kefalas)

Mesfushori shqiptar, Valon Behrami është lënduar dhe do të mungojë për tri javët e ardhshme.

Behrami ka pësuar një lëndim muskulor gjatë angazhimit me Zvicrën. Ai luajti në miqësoren e parë ndaj Greqisë, derisa nuk u angazhua fare ndaj Panamasë, shkruan albinfo.ch.

Ai pritet të mungojë në ndeshjet ndaj Atalantas, Fiorentinës, Lazios e Cagliarit. Ndërsa do të shihet nëse do të mund të luajë ndaj ish-klubit të tij Napolit më 18 prill.

33-vjeçari ka bërë 16 paraqitje në Serie A këtë sezon në fanellën e Udineses. Behrami nëse merr pjesë në Botërorin e Rusisë do të thyejë rekordin në gjashtë kampionate të rëndësishme, si Evropiane dhe Botërore.