Bendi i shkollës në Parkland performon në New York

Pothuajse tri javë pas sulmit të dytë më vdekjeprurës në SHBA në një shkollë publike, bendi simfonik i shkollës së mesme “Stoneman Douglas” nga Parkland ishte në Nju-Jork për të performuar në Carnegie Hall.

Nxënësit nga Parkland ushtruan para performances, derisa disa thanë se muzika u ka ndihmuar që të ballafaqohen me tragjedinë, përcjell albinfo.ch.

“Është mënyra më e mirë për t’u shprehur dhe për të treguar atë çfarë ndjenë, sepse këto dy javët e shkuara ishin vërtet shumë të rënda për ne, e me këtë orkestër ia dolëm të mbledhim vetën”, tha klarinistja Sophie Chee.

Udhëheqësi i bendit, Alex Kaminsky, tha se sulmi pothuajse i bëri që të anulojnë udhëtimin drejt Nju-Jorkut, por ndjeu se nxënësit e tij kishin nevojë për diçka që do t’u ndihmonte të ecin tutje.