Berisha i kundërvihet “Politikës” serbe

Kryeministri i Shqipërisë, Sali Berisha, i është përgjigjur me forcë pretendimeve të gazetës pro-qeveritare të Beogradit, “Politika”, që ka shkruar se ai ka qenë tregtar armësh gjatë luftës në Kosovë. “Akuzat e Politikës, një zëdhënëse e ultranacionalistëve serbë dhe avokate e gjenocidit serb në Bosnjë dhe Kosovë, janë shpifje raciste’, ka thënë Berisha, i cituar nga mediet e Tiranës.

Ai e ka lidhur raportin e Politikës me atë të Dick Martyt. “Ka një histeri anti-shqiptare, që udhëhiqet nga Dick Marty, një racist që pa asnjë dëshmi, po mundohet të bëjë gjithçka për të minuar luftën e shqiptarëve në Kosovë’, ka thënë Berisha.