Berisha në top-formë

Portieri prishtinas, Etrit Berisha po shkëlqen për Atalantan, duke e afruar këtë skuadër afër zonës evropiane

Portieri i Kombëtares shqiptare, Etrit Berisha, po kalon në formë shumë të mirë, si në aspektin personal, ashtu edhe me skuadrën e Atalantas. Skuadra zikaltër fitoi ndeshjen e fundit 3:0 ndaj Genoas, duke iu afruar zonës evropiane, shkruan albinfo.ch.

Ai është shprehur i lumtur me sukseset e fundit. “Që kur kam ardhur në Bergamo kam ardhur për të treguar vlerat e mia dhe të ndihmoj ekipin të jetë sa më lartë. Rezultatet e mira në javët e fundit kanë ndryshuar ambiciet tona, pse jo edhe mos të synojnë Ligën e Evropës”, është shprehur Berisha për mediat shqiptare.

Derisa në fillim kishte pak hapësira, tashmë është i pazëvendueshëm në portën e Atalantas. “Po ndihem mirë, gjithmonë më i sigurt, por rezultat e mira më kanë ngritur besimin. Kemi lojtarë të mirë, posaçërisht në sulm, por jemi duke punuar edhe me mbrojtjen”, theksoi portieri prishtinas.

Atalanta pas javës së 11-të në Serie A renditet në vendin e gjashtë me 19 pikë.