Besnik Krasniqi shpallet futbollisti më i mirë në Austri

Krasniqi është futbollist i skuadrës SV Niederabsdorf ndërsa është zgjedhur si lojtari më i votuari duke marrë afro 35 % të votave

Futbollisti kosovar, Besnik Krasniqi është shpallur futbollisti më i mirë në ligën e tretë austriake, njofton “albinfo.ch“.

Krasniqi është futbollist i skuadrës SV Niederabsdorf ndërsa është zgjedhur si lojtari më i votuari duke marrë afro 35 % të votave.

Ky sondazh është realizuar nga portali austriak ligaporta.at, ndërsa është mbyllur me datën 15 dhjetor në orën 24.00.

“Ashtu si viteve të kaluara  ligaportal.at, edhe këtë herë ofron mundësinë, që në secilën kategori të zgjidhet lojtari më i mirë për sezonin vjeshtor 2016/2017. Këtu janë të përfshirë lojtarët më të mirë të cilët janë votuar gjatë javëve dhe muajve të kaluar. Këta janë nominuar po ashtu edhe nga  zyrtarët, trajnerët dhe ekspertët, shkruan portali austriak

Tre lojtarët më të mirë kanë fituar një kupon në vlerë prej 1500 euro.