Biden siguron Zelenskyn për mbështetjen amerikane

(AP Photo/Carolyn Kaster)

Presidenti i SHBA-së, Joe Biden, ka siguruar Ukrainën për mbështetje të mëtejshme, ndërsa pushtimi rus i vendit fqinj vazhdon, përcjell albinfo.ch.

‘’Presidenti Biden gjatë bisedës me presidentin ukrainas, Volodymyr Zelensky, i garantoi mbështetjen e vazhdueshme të SHBA-së për mbrojtjen e Ukrainës, ndërsa Rusia vazhdon sulmet e saj në infrastrukturën kritike të Ukrainës”, theksoi Shtëpia e Bardhë në një deklaratë.

‘’Shtetet e Bashkuara të Amerikës gjithashtu do të vazhdojnë t’i ofrojnë Ukrainës ndihmë për sigurinë, ekonomike dhe humanitare”, thuhet në deklaratë.

‘’Mbajtja e Rusisë përgjegjëse për krimet dhe mizoritë e saj të luftës dhe imponimi i kostove ndaj Rusisë për agresionin e saj mbetet gjithashtu një prioritet’’, tha Shtëpia e Bardhë.

Zelensky vlerësoi ndihmën e paprecedentë të mbrojtjes dhe financiare të ofruar nga Shtetet e Bashkuara.

“Ndihmoni jo vetëm për të qenë të suksesshëm në fushën e betejës, por edhe për të ruajtur stabilitetin e ekonomisë së vendit tonë”, tha Zelensky.