Lajme
Bie përdorimi i gazit në Evropë
Evropa uli përdorimin e gazit në gusht dhe shtator, pasi industritë tkurrën prodhimin në përgjigje të rritjes së çmimeve dhe ofertës së pakët ruse, megjithëse shkurtimet u shpërndanë në mënyrë të pabarabartë midis vendeve.
Përdorimi i përgjithshëm i gazit në Bashkimin Evropian ra me 14% në gusht, krahasuar me mesataren pesëvjeçare për muajin dhe me 15% në shtator, sipas të dhënave më të fundit nga zyra e statistikave të BE-së, Eurostat.
Çmimet e larta të gazit kanë çuar në mbyllje të përkohshme të fabrikave të çelikut dhe prodhuesve të çimentos në gjithë BE-në muajt e fundit. Prodhuesit europianë të plehrave kimike ulën më shumë se 70% të kapacitetit të tyre në gusht.
Vendet e BE-së ranë dakord në korrik për të ulur vullnetarisht kërkesën e tyre për gaz me 15% duke nisur nga gushti, ndërsa u përpoqën të mbushnin depozitat dhe të kursenin karburant për një dimër me furnizime të pakta ruse.
Me nivelin e depozitave të gazit në BE, që tani arrin në 94%, si dhe temperaturat tepër të larta, çmimet kanë rënë në javët e fundit, edhe pse ato mbeten më të larta se një vit më parë. Rënia e fundit e përdorimit të gazit u shpërnda në mënyrë të pabarabartë midis vendeve, madje disa e rritën konsumin e tyre.
Gjermania, përdoruesi më i madh i gazit në Evropë, uli konsumin me 28% në gusht dhe 7.4% në shtator, ndërsa përdorimi i gazit në Itali ra me 22% në shtator dhe në Holandë me gati një të tretën. Ndërkohë, që përdorimi i gazit në Spanjë u rrit lehtë në të dy muajt, për shkak të thatësirës. /Scan tv
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Zvicër
-
Janë refuzuar shumica e pretendimeve për para nga sigurimet shëndetësore gjatë COVID-19 në Zvicër Më shumë se 60% e njerëzve me Covid u është refuzuar mbështetja nga sigurimi i invaliditetit....
-
Vdes zëvendëskancelari i Zvicrës, André Simonazzi
-
Stuhia diellore “ekstreme” gjeneron dritat veriore, përfshihet edhe Zvicra
-
Zvicra dhe tri vende të tjera sapo shqyrtuan tërheqjen nga “Eurovision 2024”
-
Kur do të hapen pishinat në Zvicër?