Bien çmimet e konsumit në Zvicër

Çmimet e konsumit në tregun zviceran në muajin gusht të këtij viti ishin më të ulëta prej 0.2 për qind në krahasim me muajin korrik, ndërkohë që norma vjetore ka shënuar rënie në 1.4 për qind.

Indeksi i çmimeve të konsumit në muajin gusht ishte 97.6 pikë (sipas bazës së 100 të dhjetorit 2010), dhe trendi i deflacionit në muajin gusht krahasuar me muajin korrik ishte kryesisht për shkak të rënies së çmimeve të energjisë, si dhe shërbimet spitalore, bën të ditur Zyra Federale zvicerane e statistikave.

Në korrik shkalla e deflacionit në Zvicër arriti në 1.3 përqind në bazë mujore.

Rënia e çmimeve në muajin gusht (në krahasim me muajin korrik), është regjistruar në sektorin e produkteve për mirëmbajtjen e banesave, pijeve alkoolike dhe duhanit, strehimit dhe energjinë dhe transportin, ndërkohë çmimet e pijeve joalkoolike ishin në rritje.

Çmimet e produkteve të brendshme kanë mbetur të pandryshuara në muajin gusht krahasuar me muajin korrik, ndërsa çmimet e produkteve të importuara ishin në rënie me 0.6 për qind në krahasim me muajin korrik dhe 5.5 për qind në krahasim me muajin gusht të vitit të kaluar.