Bislimi: Ka ardhur koha që Lugina e Preshevës të marrë vëmendje

Zëvendëskryeministri Besnik Bislimi dhe ministrja e Arsimit, Arbërie Nagavci, vizituan sot Luginën e Preshevës, ku u takuan me liderët politikë të Preshevës dhe Bujanocit.

Zëvendëskryeministri Besnik Bislimi dhe ministrja e Arsimit, Arbërie Nagavci, vizituan sot Luginën e Preshevës, ku u takuan me liderët politikë të Preshevës dhe Bujanocit.

Bislimi ka shkruar në Facebook se gjatë kësaj vizite kanë shpërndarë edhe tekste mësimore shkollore në gjuhën shqipe.

“Ka ardhur momenti që çështja e Luginës së Preshevës të marrë vëmendje edhe nga bashkësia ndërkombëtare. Problematikat serioze si shpopullimi, garantimi i të drejtave për shqiptarët, regjistrimi i popullsisë, njohja e diplomave, mungesa e investimeve nga institucionet, tashmë duhet të trajtohen gjerësisht” shkroi Bislimi, raporton Albinfo.ch.

Ai e cilësoi këtë vizitë si shumë të rëndësishme.

“Së bashku me ministren e Ministrisë së Arsimit, Shkencës, Teknologjisë dhe Inovacionit, Arbërie Nagavci, takuam liderë politik të Preshevës dhe Bujanocit dhe shpërndamë tekstet mësimore për nxënësit e shkollave fillore, në fshatrat Tërnoc të Madh dhe Raincë.4010 nxënës përfituan tekstet falas për mësimin në gjuhën shqipe në të gjitha klasat fillore. Jemi të gëzuar për mbulimin e kësaj kostoje por njëkohësisht edhe të brengosur që kemi ndarë libra për kaq pak nxënës duke ditur që deri para pak viteve në Luginën e Preshevës fillonin shkollat më shumë se 13 mijë”, ka shkruar ai.

“Për ne si Qeveri është me rëndësi garantimi i simetrisë dhe barazisë në të drejta mes qytetarëve shqiptarë në Luginë dhe atyre serb në Kosovë”, ka thënë mes tjerash Bislimi./Albinfo.ch/

---