Bizneset nga diaspora vizitojnë “Shtëpinë e Kosovës”

Pas eventit të mbajtur dje në Prishtinë ku u bashkuan rreth 350 biznese nga diaspora dhe Kosova, Rrjeti Global i Bizneseve Shqiptare ka vazhduar vizitat në terren tek disa kompani të suksesshme në Kosovë të cilat tregun kryesor të shitjes e kanë në Evropë, kryesisht në Zvicër, Austri dhe Gjermani.

Dita e parë është përmbyllur me një vizitë tek shtëpia modulare “Shtëpia e Kosovës” e cila është ndërtuar si një projekt nga 15 kompani kosovare, nën udhëheqjen e ekipit të “Prefab Kosova”, shkruan albinfo.at

Drejtoresha ekzekutive e “Prefab Kosova”, Sytrime Dervisholli, përshëndeti bizneset e diasporës dhe falënderoi të pranishmit për përkrahjen, duke thënë se është kënaqësi e veçantë të prezantojë “Shtëpinë e Kosovës“ pranë afaristëve të diasporës.

Interesimi për shtëpitë modulare ishte mjaft i madh.

Vizitat më pas kanë vazhduar gjatë gjithë ditës së sotme tek kompania softwerike “Quantix” në Prishtinë, tek kompania “Eurofruti” në Mramor si dhe tek kompania “Eurometal” në Ferizaj.

Gjatë këtyre vizitave pjesëmarrësit nga diaspora kishin për qëllim të nxisin shkëmbimin e praktikave të mira dhe të fuqizojnë lidhjet mes bizneseve vendase dhe atyre të diasporës, njofton albinfo.at

Bëhet e ditur se mbyllja e manifestimit të Rrjetit Global të Bizneseve Shqiptare do të mbyllet sonte me një darkë të përbashkët mes bizneseve të diasporës dhe atyre vendase.