Biznesmeni Fehmi Fetahu, “Qytetar Nderi” i Komunës së Gjilanit

Kryetari i Komunës së Gjilanit, Lutfi Haziri, i ndau çmimin e Qytetarit të Nderit biznesmenit Fehmi Fetahu.

 Fehmi Fetahu një biznesmen shumë aktiv dhe me shije europiane, të gjitha investimet i ka bërë në vendin e tij të lindjes, në Përlepnicë.

Ai në kodrat e fshatit Përlepnicë ka ndërtuar një “qytet”, i cili titullohet “qyteti i bardhë”. Duke e parë këtë investim dhe për veprimtari në të gjitha etapat në ndërtimin e shtetit të Kosovës, Fetahu pranoi këtë çmim nga kryetari Haziri, përcjell albinfo.ch.

Mërgimtari dhe afaristi Fehmi Fetahu ka arritur që një vend pa rrugë dhe të lënë pas dore në kodrinat e Përlepnicës së Gjilanit ta shndërrojë në një nga perlat e Ballkanit, ku aktualisht ka 220 të punësuar me kontrata afatgjate.

Filloi me një restorant dhe një fermë kuajsh “Vali Ranch”, për t`u zgjeruar biznesin e tij në një nga hotelet më luksoze për ushqim dhe ahengje familjare në rajon.