Bleona Hasani, kosovarja e toplistave suedeze, vjen me këngë të re

Bleona Hasani jeton në Suedi, si dhe po vazhdon me sukseset e saj në industrinë e muzikës atje, transmeton albinfo.ch.

Pas disa këngëve në gjuhën angleze, ajo ka lansuar tashmë këngën e saj të quajtur ‘’Kujtimet’’ në gjuhën shqipe.

Bleona më parë ka publikuar këngën “No one like you”, me të cilën synoi të ngjitet në toplistat muzikore suedeze. Kënga është realizuar nga producentë suedezë dhe tashme ka filluar të transmetohet në radiot suedeze.

Kujtojmë se këngëtarja Bleona Hasani muaj më parë arriti që me këngën e saj “Opposites Atract” të ngjitet në vendin e parë si këngëtarja më e votuar në radion suedeze P3.

Ajo ka theksuar se e ardhmja e saj është vetëm muzika dhe së shpejti do të vijë me një tjetër projekt si dhe do të ketë përkrah të njëjtit bashkëpunëtorë.