Shqipëria
Bomba nga Elbasani për në Shkodër

13 janari 2018 dukej një ditë brenda rutinës në qytetin e Shkodrës.
Deri në çastin kur në afërsi të tregut shfaqet me makinën e blinduar Lulzim Kulla, një nga personazhet sfidues jo vetëm për kundërshtarët, por edhe për policinë. Në këtë çast, qetësia zëvendësohet me pamje lufte. Kamera e sigurisë që Top Channel tregon se pasi ai ka parkuar pranë biznesit, menjëherë ndodh një shpërthim i fuqishëm dhe mes tymit, brenda pak sekondash, të plagosurit dhe kalimtarët e rastit përpiqen të largohen nga vatra e rrezikut.
Të rinjtë nga Elbasani, Argent Lulaj, Serxho Teta dhe Endri Copja, konsiderohen nga prokuroria si autorët e atentatit që kishte në shënjestër Lulzim Kullën. Në përfundim të hetimeve, prokuroria i dërgoi ata të pandehur në gjykatë për veprën “vrasje në rrethana cilësuese në mënyrë të rrezikshme”, pasi, sipas prokurorisë, ata rrezikuan dhe plagosën edhe 7 persona të tjerë, shkruan TCH, përcjell albinfo.ch.
Në dosjen e dërguar për gjykim me tre të dyshuarit, që të 3 mohues për atentatin e telekomanduar, prokuroria përmend se eksplozivi ishte vendosur në një motoçikletë, që ishte transportuar më herët me një makinë me targat AA 801. Por, ky mjet shfaqet në kamera bashkë me një automjet tjetër që pas verifikimeve në sistemin e gjobave, kanë nxjerrë në dritë përdoruesit e tyre.
Siç pretendon prokuroria, automjeti është gjobitur pak ditë para atentatit dhe si shofer kishte 30-vjeçarin Copja. Ai, shpjegojnë prokurorët, në vazhdim rezulton me rekorde kriminale në qytetin e Elbasanit, duke nënkuptuar se atentati ndaj të fortit të Shkodrës mund të jetë nënkontraktuar nga kundërshtarët e tij tek një grup aleat në Elbasan. Edhe mjeti tjetër që shfaqet në kamera në Shkodër ditën e ngjarjes i përket të dyshuarit tjetër Argel Lulaj.
Por, të dyshuarit mbajnë qëndrim mohues, duke deklaruar se gjendeshin në Shkodër pasi kishin blerë 20 kilogramë hashash nga një person me emrin Toni, të cilit nuk ia kujtojnë më as mbiemrin dhe as numrin e telefonit.
Atentati ndaj Lulzim Kullës u hetua edhe nga Prokuroria e Krimeve të Rënda si akt terrorist, pasi aty pranë ishin edhe disa shoqata të huaja, të cilat u ankuan për pasigurinë. Prokuroria pretendon se tashmë e ka zbardhur gjithë mekanizmin, megjithëse ende nuk ka përcaktuar saktë se sa ishte sasia e lëndës plasëse që shkatërroi disa biznese e plagosi 8 vetë.
E-Diaspora
-
Gjeneva dhe Brukseli do të marshojnë së bashku për drejtësi më 30 gusht Ky mobilizim lindi nga iniciativa e grave migrante shqiptare në Evropë, për të denoncuar pandëshkueshmërinë...
-
Kupa e Zvicrës: A do të shkruajë histori FC Dardania Lausanne kundër Servette?
-
QKUK pajiset për herë të parë me aparatura për ngrohjen e gjakut falë komunitetit shqiptar në Cyrih
-
Dy orë pritje në dalje të pikës Mërdarë
-
Gjenevë: Homazhe dhe një Marsh për Drejtësi, në Ditën e të Zhdukurve
Jeta në Zvicër
-
Thika e xhepit mbetet në Zvicër Pavarësisht sfidës së tarifave të SHBA-së, Victorinox nuk ka plane për të zhvendosur prodhimin e saj....
-
Zvicra kundërshton vendbanimet e reja izraelite në territorin palestinez
-
Mbi 6,400 kaprollë të vegjël të shpëtuar falë dronëve vullnetarë
-
Migros feston 100 vjet
-
Mësimi po fillon në Zvicër, ja sa fitojnë mësuesit