Britania do të dërgojë 2.4 milionë euro furnizime ushqimore në Ukrainë

Kystone

Qeveria britanike do të dhurojë 2.4 milionë euro furnizime ushqimore për Ukrainën. Këtë e ka bërë të ditur ministrja e Jashtme e Britanisë së Madhe, Liz Truss, shkruan la repubblica, përcjell albinfo.ch.

Sipas ministres, ndihma ndaj Ukrainës është një përgjigje ndaj kërkesës së drejtpërdrejtë të qeverisë ukrainase dhe do të përfshijë kryesisht ushqime të konservuara dhe ujë.

Mallrat do të dërgohen në magazina në Poloni dhe Sllovaki, të cilat do të furnizojnë qeverinë ukrainase, duke filluar nga fillimi i javës së ardhshme, në koordinim me OKB-në dhe Kryqin e Kuq.