Britania ka insistuar që Kosova të përfaqësohet si shtet i pavarur

Clif: "Megjithatë edhe përfaqësimi me dekalaratën e 17 shkurtit, mendimin e GJND-së dhe rezolutën 1244 është një model i balancuar"

Britania e Madhe ka insistuar që Kosova të përfaqësohet në konferenca rajonale si shtet i pavarur, jo nën rezolutën 1244, ka deklaruar Ambasadori i Britanisë së Madhe në Kosovë, Jan Cameron Cliff.

“Megjithatë edhe përfaqësimi me dekalaratën e 17 shkurtit, mendimin e GJND-së dhe rezolutën 1244 është një model i balancuar. Ne miqtë tuaj do mund ta përdorim këtë formulë për të siguruar marrëdhënie tregtare me BE-në dhe marrëdhëniet kontraktuale dhe forma tjera të marrëveshjeve me BE-në”, ka thkesuar ai. Cliff ka kërkuar nga partitë politike ta shikojnë këtë çështje si nacionale dhe jo partiake.

“Ky është një çmim i madh i Kosovës për të ecur përpara në perspektivën evropiane. Pra ne shpresojmë se marrëveshja të arrihet. Dhe është e rëndësishme që të gjitha partitë politike të pajtohem me këtë çështje nacionale dhe jo ta shikojnë atë si çështje partiake. Kjo është për Kosovën, si një shtet i pavarur dhe sovran”, ka theksuar ai.　

Cliff, ka theksuar rëndësinë edhe të vazhdimit të bisedimeve Kosovë-Serbi dhe arritjen e marrëveshjeve të domosdoshme, raporton Radio Kosova.