Burrat shumë shpejt mund të mbesin shtatzënë

Suksesi i transplantim të mitrës nënkupton se shkenca tani është e gatshme të ndërmarrë veprime të ngjashme si te gratë për të lejuar lindjet edhe te ata që lindin si meshkuj

Burrat shumë shpejt mund të mbesin shtatzënë falë zhvillimit të transplantimit të mitrës, sipas një prej profesorëve liderë në fushën e fertilitetit.

Suksesi i transplantim të mitrës nënkupton se shkenca tani është e gatshme të ndërmarrë veprime të ngjashme si te gratë për të lejuar lindjet edhe te ata që lindin si meshkuj, ka shpjeguar Richard Paulson, presidenti në largim i Shoqërisë Amerikane për Medicinën Reproduktive.

Ai ka shtuar se njerëzit që duan të kenë operim për ndryshim të gjinisë  mund të shfrytëzojnë avantazhin e transplantit të mitrës që do t’u lejonte atyre të kenë fëmijë.

“Mund ta bëni qysh nesër. Mund të ketë sfida shtesë, por nuk shoh asnjë problem të madh që e pengon këtë… Unë personalisht dyshoj se do të ketë gra trans të cilat do të duan të kenë mitër dhe të bëjnë transplantin”, ka thënë Paulson, transmeton Albinfo.ch.

Edhe pse thotë se gratë dhe burrat kanë forma të ndryshme të legenit, prapëseprapë ai vlerëson se ka hapësirë të mjaftueshme për transplantim të mitrës.