Bushati kërkon zbatimin e ligjit të gjuhëve në Maqedoni

Ministri për Evropën dhe Punët e Jashtme, Ditmir Bushati, po qendron në një vitë zyrtare në Maqedoni, ku ka takuar homologun e tij, Nikola Dimitrov,  kryeparlamentarin Talat Xhaferi dhe zv. kryeministrin Bujar Osmani.

Bushati vlerësoi rolin e shqiptarëve si faktor stabiliteti dhe mbështetës të flaktë të proceseve euroatlantike të Maqedonisë. Bushati u bëri apel qytetarëve maqedonas dhe veçanërisht shqiptarëve të Maqedonisë, që të votojnë pro referendumit më 30 shtator.

Kreu i diplomacisë nënvizoi se Shqipëria pret me padurim zbatimin e ligjit të gjuhëve në Maqedoni, i cili është një hap vendimtar për përmirësimin e bashkëjetesës ndëretnike.