Buxheti i Kosovës në veri ka humbur mbi 115 milionë euro.

Drejtori i Doganave të Kosovës, Naim Hruruglica ka shigjetuar me akuza të rëndës misionin ndërkombëtarë në Kosovë duke thënë se ka lejuar kontrabandën e mallrave nga veriu.

” EULEX nuk ka përdorur procedura të plota doganorë në veri, për të siguruar që mallrat që hyjnë në Kosovës t’i nënshtrohen obligimeve doganorë. Ajo çka EULEX ka mundur të bëjë në dypikat kufitare në veri e nuk e ka bërë ka qenë ushtrimim i fuqive ekzekutive”, ka theksuar për mediat e vendit Huruglica.

Sipas tij buxheti i Kosovës nga këto dy pikat doganore ka humbur mbi 115 milionë euro.

Ai ka theksuar se dogana është e gatshme të vendoset në dy pikat kufitare në veri, në çfarë do kohe dhe kur t’i kërkohet asaj.