Cakaj në Gjenevë, në punimet e Forumit Global për Refugjatë

Askush të mos harrojë pasojat e gjenocidit të Millosheviqit tha Cakaj atje.

Ministri në Detyrë për Evropën dhe Punët e Jashtme i Shqipërisë, Gent Cakaj, po merr pjesë në punimet e Forumit Global për Refugjatët në Gjenevë. Cakaj atje tha se Shqipëria mbetet e përkushtuar për zbatimin e plotë të detyrimeve të saj në kuadër të Kompaktit Global për Refugjatët, përcjell albinfo.ch.

“Po ashtu, në bashkëpunim të ngushtë me UNHCR, BE-në dhe partnerët e tjerë ndërkombëtarë, Shqipëria do të punojë në përmirësimin e sistemit për menaxhimin e kërkesave për azil dhe zgjerimin e kapaciteteve për integrim të refugjatëve.

Shumë e rëndësishme të kujtohet kontributi i pakrahasueshëm historik i Shqipërisë në pranimin e refugjatëve nga lufta e Kosovës, e shkaktuar prej projekteve për pastrim etnik dhe gjenocid nga regjimi i Milosheviqit!

Kjo përvojë historike nuk përbën vetëm një shembull unik të solidaritetit kombëtar, por paraqet edhe një model botëror sa i përket marrëdhënies së Shqipërisë me refugjatët, në një prej orëve më të vështira të historisë”, ka shkruar ai.

---