Çdo ditë më shumë se 550 ankesa në adresë të Postës

Rreth 2.2 miliard letra dhe paketa janë dërguar vitin e kaluar në Zvicër. Shumica prej tyre mbërritën në adresën e duhur, por jo të gjitha. Posta ka pranuar 203'103 ankesa.

Megjithatë thuhet të ketë rënie në numrin e ankesave krahasuar me vitin e kaluar. Bëhet fjalë për një rënie për dy për qind. Më 2014 janë ankuar 203’103 klientë në Postën zvicerane.

Telashet më të zakonshme është humbja e paketës së dërguar, thonë në Komisionin e Ankesave në  PostCom.

99 për qind e dërgesave “B-Post” kanë mbërritur me kohë.  Ndërsa me “A-Post” të paktën 97.7 për qind e letrave kanë mbërritur të nesërmen nga posta zvicerane. Paketa prioritare 97.4 për qind janë dorëzuar me kohë ndërsa paketa ekonomike 97.5 për qind.

Kështu Posta zvicerane “Swiss Post” ka tejkaluar kërkesat e Këshillit Federal për shpërndarjen me kohë prej 97 për qind të letrave dhe 95 për qind të pakove postare.