Çdo i dyti refugjat në botë, nën 18 vjeç

Ndryshe nga gjendja e para rreth dhjete viteve, aktualisht më shumë refugjatë janë strehuar dhe jetojnë në vende të varfra se sa në ato të pasura

Në gjithë botën llogaritet se aktualisht rreth 45 milionë njerëz jetojnë si refugjatë, që domethënë se ndodhen në arrati, jashtë vendit të tyre. Me këtë shifër është arritur shkalla më e lartë e refugjatëve dhe të përndjekurve në 18 vitet e fundit, bën të ditur Komisariati i Lartë për Refugjatë i OKB-së, NHCR në raportin e tij vjetor.

Sipas këtij raporti vetëm në vitin 2012 7.6 milionë njerëz kanë ikur nga vendet e tyre. 55 për qind e të gjithë refugjatëve vijnë nga Afganistani, Iraku, Siria dhe Sudani.

Ndryshe nga gjendja e para rreth dhjete viteve, aktualisht më shumë refugjatë janë strehuar dhe jetojnë në vende të varfra se sa në ato të pasura. Ndërsa po sipas raportit të UNHCR-së, 46 për qind e numrit të gjithëmbarshëm të refugjatëve në botë janë nën moshën 18 vjeçare.