Çdo i gjashti mjek në Zvicër është mbi 65-vjeç

Numri i mjekëve të përgjithshëm që punojnë në moshën 65 vjeç e lart është rritur

Çdo i gjashti mjek i kujdesit parësor në Zvicër është mbi 65 vjeç, raporton e përjavshmja në gjuhën gjermane Sonntags Zeitung, duke përmendur shifrat zyrtare.

Në disa kantone është një në pesë, përcjell albinfo.ch.

Numri i mjekëve të përgjithshëm që punojnë në moshën 65 vjeç e lart është rritur në mënyrë të qëndrueshme midis 2011 dhe 2018 (715 mjekë më 2011 përkundrejt 1003 në 2018), sipas shifrave të fundit të Shoqatës së Mjekësisë Zvicerane (FMH) dhe Zyrës Federale të Statistikave.

Zvicra mund të humbasë 4,000 praktikues të përgjithshëm për shkak të pensionit gjatë dekadës së ardhshme.

 

---