Çekia dhe Sllovakia, një dekadë në BE me rroga të vogla

Rroga mesatare mujore bruto në Republikën Çeke në tremujorin e parë të këtij viti ka arritur 904 €, ndërsa në Sllovaki ishte vetëm 839 €

Ringjallja ekonomike në Republikën Çeke dhe në Sllovaki ka nxitur rritjen e të ardhurave, të cilat edhe pas 10 vjetëve nga hyrja në Bashkimin Evropian janë ende mjaft të ulëta në krahasim me standardet e BE-së.
Rroga mesatare mujore bruto në Republikën Çeke në tremujorin e parë të këtij viti ka arritur, sipas Entit Shtetëror të Statistikës, 904 €, ndërsa në Sllovaki ishte vetëm 839 €.
Rritja reale në pagën mesatare në Republikën Çeke në tremujorin e parë ishte 2.1 për qind, edhe pse analistët në bazë të treguesve ekonomikë dhe makroekonomikë pritnin rritje pak më të madhe, prej rreth 2.9 për qind.
“Ekonomia çeke regjistroi rritjen më të shpejtë në tetë vjetët e fundit, uljen e papunësisë dhe pagat mbeten të izoluara në këtë trend pozitiv”, tha ekonomisti çek Jan Fuçi.
Në Sllovakinë fqinje të ardhurat mesatare bruto në tremujorin e parë arritën në 839 €, me pagat më të larta në sektorin financiar dhe të sigurimit 1713 dhe më të ulëtat në hotelieri dhe ndërtimtari 484 deri 577 €.