Çekia paralajmëron rrezik për ndeshjen me Kosovën, vendos shirit të kuq në biletë

Tashmë ka filluar shitja e biletave për ndeshjen Çeki-Kosovë e cila luhet me 14 nëntor dhe mund të vendosë se cila skuadër mund të kualifikohet në kampionatin Evropian.

Federata Çeke e Futbollit tashmë ka nxjerrë në shitje biletat por çuditërisht ato dallojnë nga ato të kaluarat, përcjellë albinfo.ch

Indeksonline ka siguruar pamjet e biletave të cilat janë më ndryshe se herave të tjera.

Në to është vendosur një shirit shtesë me ngjyrë të kuqe në të cilat ka paralajmërime.

Në shkrimin e vendosur thuhet se asnjë biletë nuk mund të blehet pa e patur letërnjoftimin çek me vete.

Poashtu, bëhet e ditur se ndalohet hyrja e personave nën moshën 15 vjeçare pasi që sipas tyre ndeshja është e rrezikshmërisë së lartë.

Ndër të tjera bëhet e ditur se pas blerjes së biletës, paratë nuk mund të kthehen më.