Çfarë është certifikata Covid  “i/e shëruar” pas testit të antitrupave?

Ende nuk është e ditur nëse për këtë certifikatë do të mjaftojë vetëm rezultati për antitrupat anti-spike dhe sa duhet të jetë niveli i këtyrë antitrupave

Nga 16 nëntori 2021 do të mund të merret çertifikata COVID « i/e shëruar » edhe në bazë të testit serologjik, me të cilin një person dokumenton se e ka kaluar COVID-19 dhe ka sasi të mjaftueshme të antitrupave në gjak.

Ende nuk është e ditur nëse për këtë certifikatë do të mjaftojë vetëm rezultati për antitrupat anti-spike dhe sa duhet të jetë niveli i këtyrë antitrupave në mënyrë që të konsiderohet i mjaftueshëm.

Në bazë të informatave të deritashme, testi duhet të paguhet vetë, pra nuk do të financohet nga sigurimet shëndetësore dhe as nga qeveria.

Certifikata në bazë të testit serologjik do të vlejë për 3 muaj, me mundësi vazhdimi, nëse testimi i sërishëm tre muaj më vonë rezulton pozitiv.

Për t`u lëshuar një certifikatë e tillë, testi serologjik duhet të plotësojë standardet e OBSH-së, të jetë i certifikuar CE dhe  duhet të jetë bërë në një laborator që ka leje nga Instituti Swissmedic.

Certifikata e lartpërmendur vlen vetëm në Zvicër. Shumica e shteteve të BE-së nuk e pranojnë një certifikatë të tillë.

---